兩鐵合併,地鐵版圖

相信你地都知道佐無耐前,o個次開佐個地鐵股東大會上通過佐兩鐵合併啦。從此地鐵版圖就佔據晒成個"世界",除佐有望車費平d之外,你地仲有無留意到頭頂上面個路線圖呢?下面有圖對比下:

合併前

合併後(現在)

再到未來完全版

覺得點呀?中間既o個幅路線圖都還可以,但係到佐未來完全版個陣,唔......你係咪見到好多縱橫交錯既線、花喱碌一堆野咁,有d似JR幹線路線圖既翻版,睇到你天旋地轉呢,得人驚哦可!無辦法啦,為佐香港既交通方便,忍下啦!

講開又講,提到地鐵路線圖,就自然不得不睇下地鐵初初既計劃發展路線喇,下面係我摷到既1967年既圖:

噢!大開眼界,原來以前d人係想咁起地鐵既,有條線兜埋落舊啟德機場、土瓜灣、何文田喎,就算到佐四十年後既今日,呢個依舊係個好設計啊,方便合理!如果以前用佐呢個設計起既話,今日土瓜灣何文田d樓價點止而家個價啊。

但見到d站名,咦......好不雅姐,"垃圾灣"?!你唸下,如果而家你正o係車上,喇叭廣播:"下一站垃圾灣",你估會點呢,我估會好好笑,d人實笑到"屁股大合奏"囉,同埋會攪到要係呢個站落車既人cheap晒喇,俾人歧視係垃圾佬添,仲可能會有d人可能為face問題要o係"葵涌"站先落呢,哈哈!

另外,"海軍船塢"站,唔......唔掂,有殖民地意識。我估九七前仲叫海軍船塢站既話,而家估會變佐"解放軍"站lu,咁o岩晒喇,家下咁要港民有愛國愛港思想,攪好奧運,反對李柱銘做漢X,呢個名靠得住!